Upategia & Deskribapena

ameztoi

1820az geroztik txakolina egin eta ekoizten du Ameztoi familiak.

Upel zaharrak, egur usaina, botila hotsa eta barreak. Horrelakoa zen Ameztoi zaharra eta makina bat jende elkartzen zuen. Izan ere, Ameztoi familia antzinatik da ezaguna "Kirkilla" (grillo) ezizenez: poztasunaren, zoriontasunaren eta harrotasunaren ezaugarri eta ikur.

Denborarekin hazten joan dira eta produktua hobetzen, nortasun propioa lortu arte: benetako txakolina, mokofin eta sibarita zorrotzenen gozamenerako. Bertako mahats-barietatea erabiltzearen usadioari eutsi diote beti, eta beraien produktuen elaborazioaren oinarria dira Hondarribi Zuria eta Hondarribi Beltza.

Txakolina lantzearen familiako tradizioari bost belaunaldik eutsi diote Ameztoin.